పేదలకు జగన్ సర్కారు గుడ్ న్యూస్.. ఒక్క రూపాయికే స్థలాల క్రమబద్ధీకరణ

ప్రజాసంక్షేమమే పరమావధిగా ముందుకెళ్తున్న జగన్ సర్కారు.. పట్టణాల్లో ఉంటున్న పేదలకు గుడ్ న్యూస్ చెప్పింది. పట్టణ ప్రాంతాల్లో అభ్యంతరాలేవీ లేని అక్రమ నిర్మాణాలను క్రమబద్ధీకరించేందుకు ముందుకొచ్చింది. ఇంటి స్థలం రెండు సెంట్లలోపు వరకు రూపాయికే రిజిస్ట్రేషన్‌ చేయాలని సీఎం ఆదేశించారు. స్థలం రెండు సెంట్లకు మించితే క్రమబద్ధీకరణ కోసం ఫీజు వసూలు చేయనున్నారు. అదెంత ఉండాలన్నది త్వరలోనే నిర్ణయించనున్నారు.

ఉగాది నాటికి రాష్ట్రంలోని 20 లక్షల మంది పేదలకు ఇళ్ల స్థలాల పట్టాలు పంపిణీ చేస్తామని జగన్ ప్రకటించిన సంగతి తెలిసిందే. ఈ విషయమై చర్చించడం కోసం సీఎం అధ్యక్షతన గురువారం రెవెన్యూ మంత్రి పిల్లి సుభాష్‌ చంద్రబోస్, పట్టణాభివృద్ధి శాఖ మంత్రి బొత్స సత్యనారాయణ, ఆర్థిక మంత్రి బుగ్గన రాజేంద్రనాథ్, గృహ నిర్మాణ శాఖ మంత్రి రంగనాథరాజులతో ఉన్నతస్థాయి సమీక్ష సమావేశం జరిగింది. రూపాయికే ఇళ్ల స్థలాలను క్రమబద్దీకరించాలని జగన్ సర్కారు తీసుకున్న నిర్ణయంతో.. పట్టణ ప్రాంతాల్లోని పేదలకు లబ్ధి చేకూరుతుంది.

Related posts

Leave a Comment