టీఎస్ఆర్టీసీ సమ్మె ఎఫెక్ట్.. ప్రతి మూడు నిమిషాలకో మెట్రో!

తెలంగాణ ఆర్టీసీ కార్మికుల సమ్మె కారణంగా ప్రజా రవాణకు ఎలాంటి ఇబ్బంది కలగకుండా చూడాలని అధికారులను ముఖ్యమంత్రి కేసీఆర్ ఆదేశించిన విషయం తెలిసిందే. ఈ నేపథ్యంలో అధికారులు ప్రత్యామ్నాయ ఏర్పాట్లు చేస్తున్నారు. రాజధాని హైదరాబాద్‌లో సమ్మె వల్ల ప్రయాణికులకు ఎలాంటి ఇబ్బందులు తలెత్తకుండా అధికారులు చర్యలు తీసుకున్నారు. మెట్రోలో అదనపు సర్వీసులు నడపాలని నిర్ణయించారు. ఈ నేపథ్యంలో మెట్రో సర్వీసుల వేళల్లో హైదరాబాద్ మెట్రో రైల్ కీలక మార్పులు చేసింది. తెల్లవారు జాము 5 గంటల నుంచే మెట్రో సర్వీసులు ప్రారంభించారు. అంతేకాదు, అర్ధరాత్రి 12.30 వరకు వీటిని నడపనున్నారు.

ప్రస్తుతం 8 నిమిషాలకు ఒకటి చొప్పున నడుపుతుండగా, ఈ సమయాన్ని కూడా కుదించారు. ప్రతి మూడు, ఐదు నిమిషాలకు ఒక మెట్రో రైలు నడుపుతున్నారు. అలాగే మెట్రో స్టేషన్లలో అదనపు టికెట్‌ కౌంటర్లు, టికెట్‌ మిషన్లు ఏర్పాటు చేశారు. రద్దీ ప్రాంతాల్లో అదనంగా సిబ్బందిని వినియోగించి ప్రయాణీకులకు ఇబ్బంది లేకుండా చూస్తామని మెట్రో ఎండీ ఎన్వీఎస్ రెడ్డి వెల్లడించారు.

Related posts

Leave a Comment