నెహ్రూ జూపార్క్‌లో 14 ఏళ్ల తెల్లపులి బద్రి మృతి…

హైదరాబాద్‌లోని నెహ్రూ జూపార్క్‌లో 14 ఏళ్ల మగ తెల్లపులి బద్రి చనిపోయింది. కొంతకాలంగా అనారోగ్యంతో బాధపడుతున్న బద్రి.. చికిత్స పొందుతూ శుక్రవారం మధ్యాహ్నం మరణించింది. అనంతరం పోస్టుమార్టం చేసిన వెటర్నరీ వైద్యులు పులి గొంతుభాగం నుంచి 5 కేజీల కణతిని బయటకు తీశారు. అనంతరం ట్యూమర్ శాంపిల్స్‌ని వెటర్నరీ బయాలజీ ఇన్‌స్టిట్యూట్, కాలేజ్ ఆఫ్ వెటర్నరీ సైన్స్, సీసీఎంబీకి పంపించారు. పూర్తి ఇన్వెస్టిగేషన్ అనంతరం పులికి ఎలాంటి వ్యాధి సోకిందన్న దానిపై స్పష్టత రానుంది.

ఈ నెల 7 నుంచి పులి గొంతుభాగంలో వాపు కనిపించింది. అప్పటి నుంచీ ట్రీట్‌మెంట్ ఇస్తున్నారు. రెండు రోజులుగా ఆరోగ్యం విషమించడంతో బద్రికి ప్రత్యేక వైద్య బృందం చికిత్స అందిస్తోంది. ఆ పులిని బతికించేందుకు తీవ్రంగా ప్రయత్నించినప్పటికీ ప్రయోజనం లేకపోయింది. కాగా, తిరుపతి జూలో 2006లో జన్మించింది బద్రి. అక్కడి నుంచి కొన్నేళ్ల క్రితం నెహ్రూ జూకు తీసుకొచ్చారు.

Related posts

Leave a Comment