దీదీ లెక్క!..బీజేపీకి ఏపీలో గుండు సున్నానేనట!

సార్వత్రిక ఎన్నికలు ముగింపు దశకు వచ్చాయి. మొత్తం ఏడు దశల్లో జరుగుతున్న ఈ ఎన్నికల్లో ఇప్పటికే 6 దశలు ముగిసిపోగా… ఈ నెల 19న చివరి దశ పోలింగ్ జరగనుంది. ఆ వెంటనే 23న ఎన్నికల ఫలితాలు వెలువడనున్నాయి. తొలి – మలి దశల పోలింగ్ లలో బీజేపీకి పెద్దగా పట్టు లేని ప్రాంతాల్లో ఎన్నికలు జరగగా… ఆ తర్వాత వరుసగా బీజేపీకి గట్టి పట్టున్న ప్రాంతాల్లో ఎన్నికలు జరుగుతున్నాయి. ఒక్కో దశ పోలింగ్ ముగుస్తుంటే… అధికార బీజేపీలో ఉత్సాహం పెరగాల్సింది పోయి… దాని స్థానే ఆందోళన పెరుగుతోంది. అదే సమయంలో ఒక్కో దశ ముగుస్తుంటే… విపక్షాల్లో జోష్ పెరుగుతోంది.



ఈ క్రమంలో విపక్షాలు ఎదురు దాడిని పెంచుతూ ఉంటే… బీజేపీ నేతలు ఆత్మరక్షణలో పడిపోయారని చెప్పాలి. ఇలాంటి కీలక తరుణంలో మోదీ అన్నా – బీజేపీ అన్నా అంతెత్తున ఎగిరిపడుతున్న తృణమూల్ కాంగ్రెస్ అధినేత్రి – పశ్చిమ బెంగాల్ ముఖ్యమంత్రి మమతా బెనర్జీ… బీజేపీ శిబిరంపై తనదైన శైలి సెటైర్లు వేశారు. తనను గద్దె దింపడమే లక్ష్యంగా బీజేపీ పావులు కదుపుతోందని – అయినా దేశవ్యాప్తంగా బీజేపీకి ఎన్ని సీట్లు వస్తాయన్న విషయంపై దీదీ ఇప్పుడు సంచలన వ్యాఖ్యలు చేశారు. ప్రాంతీయ పార్టీల బేస్టియన్లుగా నిలిచిన ఏపీ – తమిళనాడులో బీజేపీకి దక్కే సీట్లు ఎన్ని  అన్న అంశంపైనా ఆమె ఆసక్తికర విశ్లేషణలు విప్పారు. అంతటితో ఆగని దీదీ… మొత్తంగా బీజేపీ ఈ దఫా ఎన్ని సీట్లను కోల్పోతుందన్న విషయంపైనా ఆమె తనదైన జోష్యం చెప్పారు.

Related posts

Leave a Comment